O‘zbekiston Jurnalistlarini qayta tayyorlash markazi 2023-yilda USAID moliyaviy ko‘magida “O‘zbekiston iqtisodiyoti barqarorligini mustahkamlashda ommaviy axborot vositalarining roli” yangi loyihasini amalga oshirishga kirishdi.
So‘nggi yillarda O‘zbekistonda keng ko‘lamli ijtimoiy-iqtisodiy islohotlar faol amalga oshirilmoqda, bu esa ommaviy axborot vositalari va ijtimoiy tarmoqlarda professional va sifatli yoritishni talab qiladi. Shu bilan birga, ommaviy axborot vositalarida hali ham professional biznes jurnalistlari deyarli kam, iqtisodiy masalalar asosan ekspertlar tomonidan yoritib kelinadi.
Iqtisodiy jurnalistika yoki biznes jurnalistikasi – bu murakkab professional janr, shuningdek, jurnalistlarning o’zlari nima bo’layotganini tushunishlari, uni o’z o’quvchilari va tomoshabinlariga qiziqarli va qulay tushuntira oladigan tarzda yoritishlari kerak bo’lgan murakkab jarayon. Shuningdek, ommaviy axborot vositalari orqali auditoriyani iqtisodiyotni tushunish, islohotlarda ishtirok etish va qashshoqlikka qarshi faol kurashishga o‘rgatish zarur.
Aytish joizki, mamlakatda iqtisodiy masalalar mualliflari asosan iqtisodchi-mutaxassislar bo‘lgan va ixtisoslashtirilgan ommaviy axborot vositalarida yoritib kelingan.
Dunyoning ko‘plab mamlakatlarida bo‘lgani kabi O‘zbekistonda ham axborotni raqamlashtirishning yuqori sur’atlari sharoitida jurnalistikaning o‘ziga xos xususiyati o‘zgarmoqda, bu esa jurnalistikani ommaviy axborot vositalari, ayniqsa, yoshlar, jumladan, ijtimoiy tarmoqlardagi bloggerlar uchun ommaviy tezkor axborot faoliyati sohasiga aylantirish imkonini beradi. Shu bois, bugungi kunda tajribali jurnalist va blogerlar zamonaviy onlayn vositalar va platformalarning keng imkoniyatlaridan foydalangan holda murakkab mavzular bilan ishlash, tahliliy kontent tayyorlash, jumladan, biznes jurnalistikasida o‘z mahoratini oshirishga majbur. Yana shuni qo‘shimcha qilish kerakki, shu paytgacha oliy o‘quv yurtlari o‘quv dasturlarida jurnalistika bo‘yicha ushbu yo‘nalishning o‘ziga xos jihatlari bo‘yicha o‘qitish bo’lmagan.
Mazkur loyiha doirasida O‘zbekistonning barcha viloyatlaridan jurnalist va blogerlar, shuningdek, universitet jurnalistika fakulteti talabalari o‘qitiladi. Loyiha yakunlangach, ular “Ommaviy axborot vositalari – O‘zbekiston iqtisodiyoti barqarorligi omili” mavzusidagi tanlovda ishtirok etishlari mumkin bo‘ladi, ulardan 3 nafar g‘oliblar qimmatbaho sovg‘alar bilan taqdirlanadilar.
Loyiha maqsadi:
- Jurnalist va blogerlarga, jurnalistika fakulteti talabalariga iqtisodiy mavzularda tahliliy materiallar tayyorlash, islohotlarning yangi yo‘nalishlarini, xalq hayotiga olib keladigan o‘zgarishlarni ko‘rsatishga o‘rgatish.
- Jurnalistlar va blogerlarga ushbu materiallarni auditoriya tomonidan yaxshiroq idrok etishi uchun Data-vositalar, vizualizatsiya imkoniyatlaridan keng foydalanish ko’nikmalarini berish.
- Materiallarda soxtalikni oldini olish maqsadida faktcheking bo‘yicha puxta ishlash ko‘nikmalarini shakllantirish.
- O‘zbekistonda jurnalistika yo‘nalishi talabalari uchun o‘quv jarayonlarida “Iqtisodiy jurnalistika” ixtisosligini rivojlantirishga hissa qo‘shish.